منتدى محبى الشاعر محمد صان الدين
اسعدنا تواجدكم

ادوية هامة وضرورية لكل بيت يجب ان يعرفها الجميع

استعرض الموضوع السابق استعرض الموضوع التالي اذهب الى الأسفل

ادوية هامة وضرورية لكل بيت يجب ان يعرفها الجميع

مُساهمة من طرف Dr. Monzer Saneldeen في الخميس مارس 05, 2015 2:09 pm

وجدت هذا الموضوع فى منتدى ورايت انه موضوع فى غاية الاهمية احببت ان يستفيد بقية الاعضاء مما ورد به
هى الأدوية التى يمكن صرفها للعامة من الصيدليات بدون وصفة طبية وتشمل : مسكنات الألم وخافضات الحرارة ... مضادات الأحتقان الأنفى ... أدوية الأسهال و الأمساك ... مضادات الحساسية ... مضادات الحموضة .... وبعض مثبطات الكحّة ... وسأتطرق فى حديثى الى بعض الأسامى التجارية وبعض أسعارها الحالية .

وعند صرفها من الصيدلية يستحسن عدم استعمالها لمدة طويلة على الرغم من أن هذه الأدوية على درجة عالية من الأمان ...



خافضات الحرارة ومسكنات الالم
اشهر ماده في مخفضات الحراره هو الباراسيتامول وده موجود في اكتر من 15 منتج تجاري منهم بيرال و بارامول وسيتال وابيمول واشهرهم بانادول اللي بيعتبر انضفهم لانه باراسيتامول نقي جدا وللاسف ده مستورد وقليل لما تلاقي في الصيدليات
وتعتبر ماده الباراسيتامول امنه جدا علي الحوامل واثناء الرضاعه
اما بالنسبه للسعر يتراوح مابين 1.5 جنيه الي 15 جنيه بدءا بباراسيتامول لشركة فاركو وانتهاءا بالبانادول مرورا بالمنتجات سابقه الذكر
و الجرعه قرص 3 مرات يوميا بعد الاكل بربع ساعه
اما بالنسبه للمسكنات فتنقسم حسب الشكوي الي
1-الصداع: ابلونج نوفالجين وده ب2.5 وقرص عند اللزوم بعد الاكل لكن منتعودش عليه عمال علي بطال
EXCEDRIN وده ب4.5 و2قرص عند اللزوم بعد الاكل برده وعموما كل الادويه اللي هقولها بعد الاكل مالم يذكر غير ذلك
طبعا ده بالاضافه للاسبرين والريفو
2-الام الاسنان والعظام:KETOFANكبسول وده ب 5 جنيه وكبسوله 3مرات
BRUFEN400 وده ب3.75 جنيه الشريط وقرص 3 مرات
ملحوظه (بروفين افضل من الكيتوفان في الام العظام)
BI PROFENIED اقراص ب 4.75 الشريط وده مرتين يوميا
KETOLAC الشريط ب5جنيه وقرص عند اللزوم






مسكنات الصداع النصفي و الام المفاصل
ونبدا ب MIGRAINIL اشهر ادويه الصداع النصفي وذو المفعول الاكيد لكن للاسف لازم يكون الصيدلي حبيبك عشان يديهولك وده ب 2 جنيه الشريط وقرص 3 مرات يوميا
AMIGRAINE وده الشريط ب 2.25 جنيه وقرص 3 مرات يوميا
NO MIGRAIN والدوا ده اثبت نتائج مذهله بعد اختفاء الميجرانيل وده الشريط ب2 جنيه وقرص 3 مرات
STOPAIN وده ب 2.25 الشريط وذو مفعول قوي للصداع المصاحب لانخفاض الضغط
وده قرص 3 مرات
اما بالنسبه لالام المفاصل فالموضوع غويط شويه وهنخده بالراحه كده
واحد هيقولي غويط ليه؟؟
هجاوب عليه اقوله لان في علاج ليه في كذا صوره زي جيل وكريم واقراص وحقن ولبوس
وكذلك لان في اسماء تجاريه كتييييييييير جدا مع ان المواد الفعاله قليله
ولذلك انا هذكر هنا اولا:اسماء المواد الفعاله دون تحديد الجرعه
ثانيا:اهم الادويه التجاريه اللي اثبتت نتائج قويه في هذا المجال وجرعتها
اولا المواد الفعاله
1-ديكلوفينلك صوديوم وديكلوفيناك بوتاسيوم
2-بيروكسيكام
3-اندوميثاسين
4-تينوكسيكام
5-ابيوبروفين
6-ميلوكسيكام
7-نابروكسين
8-جلوكوزامين
ثانيا الادويه التجاريه وجرعتها
1-فولتارين 50 اقراص قرص 3 مرات يوميا
2-كاتافلام 50 اقراص قرص 3 مرات يوميا
3-فلدين لبوس مره واحده يوميا
4-اندوميثاسين لبوس للشركه العربيه(الاكثر استخداما)لبوس مره مساءا
5-ابيكوتيل حقن ودي حقنه واحده يوميا
6-بروفين 400 (سبق ذكره راجع المشاركه 2)
7-موبيتل 15 مجم اقراص وده قرص مرتين يوميا
8-نابروفين 500 وده قرص مرتين يوميا
9-دوروفين والدوا ده جديد بس مفعوله اكيد لن شاء الله وجرعته قرص مرتين يوميا






ادوية الاسهال والامساك
اولا الاسهال:
أ-بالنسبه للاطفال
افضل حاجتين هما
1-ANTINAL شراب وده ب5جنيه ومعلقة صغيرة 3مرات
2-SMECTAاكياس وده الكيس ب90 قرش والجرعه كيس صباحا وكيس مساءا حتي يتوقف الاسهال
ينصح باستعمال مضاد حيوي STREPTOPHENICOL ب4 جنيه ومعلقة صغيره 3 مرات
ب-بالنسبة للكبار
افضل حاجتين هما
1-STREPTOQUIN اقراص وده ب2.5 جنيه وجرعته قرصين عند اللزوم

2-ANTINAL كبسول وده ب 5 جنيه وجرعته كبسوله 3 مرات يوميا


ثانيا الامساك
وده ليه 3 ادويه كلهم تقريبا نفس المفعول
1-PICOLAX نقط وده ب 2 جنيه وجرعته 10 نقط عند اللزوم
2-NASSAR اقراص وده الشعب كله بيستخدمه و مفعوله اكيد والشريط ب 1.5 جنيه وجرعته قرصين مساءا
3-MINALAX اقراص وده مهم في حالات الاشعه الطبيه وب4جنيه وجرعته قرصين يوميا
اما الدوا ده مخصوص للامساك عند الحوامل
COLON AID وده لانه من نبات طبي لا يؤثر ابدا علي الرحم او الجنين(PSYLLIUM)
اما الامساك عند الاطفال فحله بسيط
جلسرين لبوس اطفال بجنيه واحد وجرعته لبوس مساءا







ازالة الأحتقان الأنفى

تتم عن طريق مجموعه من الأدويه تسمى:
Nasal Decongestant Sympathomimetics


أولا الأنواع

1- الفينايل بروبانولومين هيدروكلورايد phenayl propanolomine HCL
وهى تؤخذ اما عن طريق الفم (كأقراص ) أو كنقط للأنف .....
تنبه الجهاز العصبى المركزي CNS

2- مشتقات الأيميدازولين Imidazoline derivatives
وهى ثلاثة انواع
نافازولين Nafazoline نقط للأنف أو أقراص
تيتراهيدروزولين Tetrahydozoline نقط للأنف
زايلوميتازولين Xylo****zoline نقط للأنف .......


ثانيا الأسم التجاري أفرين Afrin
سواء كان اقراص أو بخاخه أو نقط للأنف
الماده الفعاله به هى : أوكسيميتازولين هيدروكلورايد Oxy****zoline HCL


ثالثا اعراض مضاعفه مصاحبه

زياده الضغط بصوره ملحوظه سواء تم أخذ الدواء بالفم أو عن طريق الأنف ,
والأستعمال المستمر لهذه الأدويه تؤدى الى فقد القدره على الشم






مضادات الحساسية .. مضادات الهيستامين .. H1 blocker

1- مجموعة أولى (منومة) : أشهرها كالأتى ...
دايفينهايدرامين Diphenhydramine
أنتازولين Antazoline
بروميثازين Promethazine
سايكليزين Cyclizine
سيبروهيبتادين (أيضا من مضادات السيريتونين) Cyproheptadine
والأشهر على الأطلاق والمتداول بكثرة .... كلورفينهايدرامين ماليت Chlorphenhydramine maleate ويوجد فى أكثر من منتج تجارى مثل : أناللرج 4 Anellerge 4 (موش فاكر السعر) , أبيدون شراب فقط Apidone 9 ج م , ومعظم أدوية البرد مثل كونجيستال Congestal 4.5 ج م

وهذه المجموعة تتجاوز نطاق المخ لذلك فهي منومة , تؤخذ قبل النوم أو بعد العشاء , وتستخدم أيضا كمضاد لدوار البحر والمركبات , وبالتالي مضاد للترجيع ....


2- المجموعة الثانية (غير منومة) : وأشهرها لوراتيدين Loratidine
فى منتج تجارى موسيدين Mosedine بحوالى 20 ج م

3- المجموعة الثالثة الجديدة(غير منومة) :
Nor-Astimazole نورأستيمازول
Ebastine ايباستين هى المادة السحرية الأشهر على الإطلاق..
متوافرة فى السوق فى عدة صور أشهرها .. كيستين 20 جم
و ايفاستين 15 ج م

ومخلفاته الثانية كاريباستين carebastine لا تتجاوز نطاق المخ على الأطلاق لذلك كل المستحضرات الجديدة مرتفعة فى السعر






بعض مثبطات الكحّة
Cough therapy
وهى نوعين :
كحّة ناشفة , وكحّة ببلغم
وسأتناول هنا الأدوية التي لا تسبب تخدير أو سكر


الكحة الناشفة Anti-tussives
وهى تعمل على تقليل حدّة وعدد مرات الكحّة
مثل : مستحلبات العرقسوس Liquorice Lozenges , وصبغة الجاوا tincture benzoin , ومركبات النعناع menthol

بالأضافة الى بعض مشتقات المورفين ولكن بدون إدمان مثل : ديكستروميثورفان Dextomethorphan , و نوسكابين Noscapine


طاردات البلغم : Expectorants
وهى تعمل على طرد البلغم , وبالتالي طرد الأجسام الغريبة ..
هى معظمها تسبب الأدمان , لذلك لن أتطرّق فى حديثى هنا عنها , ويوجد منها لا يسبب الأدمان ولكن ليس كفاعلية المستحضرات المسكرة .



مذيبات البلغم : Mucolytics
هى لا تعتمد على ألية الطوارد , ولكن تساعد عمل طوارد البلغم , لأنها تعمل على تفتيت جزيئات البلغم ....
هى متداولة بكثرة فى الصيدليات و أشهرها على الأطلاق : بروميكسينBromhexine و الاسم التجاري بايسولفون Bisolvon
والمادة الفعّالة من البروميكسين ... الأمبروكسولAmproxol توجد فى مستحضر تجارى فعّال اسمه : ميكوسين Mucocin


والأفضل من ذلك كله هو بخار الماء !!
نعم .. فاستنشاق بخار الماء يؤدى الى ذوبان المخاط و بالتالى سهولة طرده .






مضادات الحموضة
Antacids

وهى متداولة بكثرة فى جميع الصيدليات و لا أحسبكم غافلين عنها , ولكن لأكمل الموضوع لأخره سأتكلم عنها بسرعة ...

هى نوعان : الأول قابل للذوبان و يتمثل فى كربونات الصوديوم (موجودة فى البيت و توضع والله أعلم على البسكويت)

والثاني ضعيفة الذوبان مثل كربونات الألومونيوم و كربونات الكالسيوم ....


وهى متوافرة غالبا فى صورة فوّار , كل ماعليك هو أن تذهب الى الصيدلية وتطلب فوّار حموضة مثل الفوار فروت 0.25 ج م

وتستخدم في العلاج العرضي لقرحة المعدة , ولا تؤدى الى اندمال القرحة إلا عند زيادة الجرعة , وبالتالي التعرّض للآثار الجانبية سواء كانت إسهال أو إمساك

Gaviscon جافيسكون
عبارة عن خليط من حمض الألجينيك و مضادات الحموضة , تؤدى الى تكوين طبقة شديدة اللزوجة فى المعدة ... تحبس ثانى أوكسيد الكربون المتصاعد , ثم تعوم فوق مكونات الطعام فى المعدة



http://www.alqeiti.com/vb/showthread.php?t=5837
avatar
Dr. Monzer Saneldeen
Admin

عدد المساهمات : 205
تاريخ التسجيل : 13/01/2014

http://saneldeen.montadarabi.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى